За Проектот

Платформата „Водич низ квалификациите во стручното образование“ е дел од иницијативата „Образование за вработување во Северна Македонија“ (E4E@мк), поддржана од Швајцарската Влада, а имплементирана во соработка со Министерството за образование и наука и Центарот за развој на стручното образование (ЦРСО).

Нашата главна цел е да овозможиме лесна, брза и разбирлива навигација низ целокупната понуда на стручно образование, за да им помогнеме на младите луѓе да направат самоуверена и информирана одлука при изборот на средно образование.

Платформата служи како сигурен извор на информации за сите достапни сектори и квалификации, нивната структура, траење, вештини што се стекнуваат, како и професионалните и образовни патишта што се отвораат по нивното завршување.

Платформата е наменета за ученици, родители, наставен кадар и кариерни советници, како и за сите кои се заинтересирани за стручно образование и обука.

Што содржи оваа платформа

Kвалификации, училишта, работодавачи
и информации за кариера

Kомплетен преглед на квалификациите организирани по сектори

Oпис на занимањата и реалните можности за вработување и напредување

Информации за средните стручни училишта кои ги нудат овие програми

Податоци за потенцијални работодавачи поврзани со конкретни квалификации

Mожности за хоризонтална и вертикална проодност

Со ова, платформата придонесува кон афирмација на стручното образование како модерен, применлив и перспективен избор, кој гради компетенции што се директно поврзани со потребите на пазарот на труд.