Претставници од Центарот за развој на стручното образование присуствуваа на националната почетна конференција во Скопје за регионалниот проект „Подготви се за работа преку кариерно насочување“, имплементиран од Агенцијата за образование и интернационализација, во рамки на Програмата за образовна соработка со Источна и Југоисточна Европа.
На конференцијата, Елизабета Јовановска-Радановиќ од ЦРСО, имаше свое обраќање како национален експерт, при што ги сподели перспективите, предизвиците и можностите за развојот на кариерното насочување во стручното образование и обука.
Дополнително, претставник од Центарот за развој на стручното образование учествуваше и како панелист во панел дискусијата посветена на зајакнување на кариерното насочување, каде беа истакнати важноста од меѓуинституционална соработка, улогата на училиштата и потребата од системски пристап во поддршката на учениците при избор на кариера.
Центарот за развој на стручното образование продолжува активно да придонесува во унапредување на квалитетот и релевантноста на стручното образование, со посебен фокус на кариерното насочување како важен сегмент во подготовката на младите за пазарот на труд.