Центарот за развој на стручното образование, со гордост присуствуваше на отворањето на „Образовното рандеву“ во рамки на МАССУМ – јубилејно, 20-то издание на една од најзначајните образовни манифестации во државата.
Настанот обединува ученици од средните стручни училишта, кои ги презентираат своите знаења, вештини и креативност преку натпревари и презентации. Низ годините, прерасна во најголем средношколски собир од ваков вид а овогодинешното издание уште еднаш ја истакна важноста на стручното образование, како и ентузијазмот и подготвеноста на младите за идните предизвици.
За ЦРСО, настанот е особено значаен бидејќи на едно место ги обединува учениците од речиси сите средни стручни училишта во државата.
