Претставник од Центарот за развој на стручното образование учествуваше на панел-дискусија во рамки на националната работилница „Заедничка соработка за поддршка на Регионалните центри за стручно образование и обука (РЦСОО)“, која се одржа на 26–27 март 2026 година во Скопје.
Во рамки на панел-дискусијата беше истакната клучната улога на РЦСОО како двигатели на реформите во стручното образование, но и нивната иднина како центри на извонредност и регионални хабови за развој на вештини, иновации и доживотно учење.
Во дискусијата беше нагласено дека преку зајакната соработка меѓу институциите, образовниот систем и приватниот сектор, РЦСОО имаат потенцијал да станат клучни институции на регионалниот економски развој и модернизацијата на стручното образование.
Настанот овозможи конструктивна дискусија за идниот развој на Регионалните центри и нивната улога во регионалните екосистеми на вештини.