Употребува методи, инструменти, алати и постројки за добивање податоци при геолошки, хидрогеолошки и инженерско-геолошки истражувања; учествува во постапка при изработка на геолошко-истражна дупнатина, хидрогеолошка и геомеханичка дупнатина, експлоатационен бунар, минска и инекциона дупнатина; ракува со уреди и машини; следи постапки и процедури за подготовка на минералната суровина; применува правила, прописи и законска регулатива за заштита на животната и на работната средина.
Со стекнување на квалификацијата, ученикот може да работи како: Оператор за геодупчење, Оператор за геотехнички и хидрогеолошки истражувања, Оператор за истражување на минерални суровини, Оператор за минирање, Оператор за подготовка на минерални суровини, Оператор за површинска и подземна експлоатација, како и на други работни места во сите геолошки, рударски и градежни компании каде се врши истражување и откопување на минерална суровина и јаловина.
