Drejtuesi i mekanizimit bujqësor kryen operacione për zbatimin e teknikave bazë gjatë punës me mekanizim bujqësor, përgatitje dhe kontroll të duhur të makinave lëvizëse, vetëlëvizëse dhe atyre të bashkëngjitshme për punë, drejtim të llojeve të ndryshme të traktorëve dhe kombajnave, realizim praktik të operacioneve të punës me teknikë bujqësore, zbatim të standardeve dhe rregullave gjatë transportit në bujqësi, mbajtje të saktë të evidencës së prodhimit dhe përdorim korrekt të makinave, pajisjeve dhe veglave në vendin e punës, si dhe mbrojtje të shëndetit dhe mjedisit jetësor.
Me përvetësimin e kualifikimit, nxënësi do të mund të punojë si drejtues i pajisjeve bujqësore, drejtues i mekanizimit bujqësor, por edhe në profesione të tjera, në përputhje me kualifikimin e përvetësuar.
