Kualifikimi mundëson fitimin e njohurive dhe shkathtësive për planifikimin, montimin, vënien në punë, mirëmbajtjen dhe servisimin e sistemeve të ngrohjes, ventilimit dhe klimatizimit, të bazuara në parimet e efikasitetit energjetik dhe burimeve të rinovueshme të energjisë. Nga analiza dhe harta funksionale e sektorit Makineri del nevoja për kuadër profesional me arsim të mesëm profesional që do të kryejë punë operative dhe mbikëqyrëse gjatë instalimit, testimit, diagnostikimit dhe optimizimit të sistemeve të ngrohjes, ventilimit dhe klimatizimit (Heating, Ventilation, and Air Conditioning – HVAC) dhe pompave të nxehtësisë, si dhe integrimin e sistemeve inteligjente për menaxhimin e energjisë. Kualifikimi siguron kompetenca për leximin dhe hartimin e dokumentacionit teknik, zbatimin e standardeve të cilësisë dhe sigurisë në punë, si dhe promovimin e masave për përdorim racional të energjisë dhe mbrojtjen e mjedisit.
Teknik u për ngrohje dhe klimatizim me efikasitet energjetik mund të punojë si bashkëpunëtor për dokumentacion teknik në makineri, instalues i pajisjeve dhe sistemeve me efikasitet energjetik, instalues i sistemeve të ngrohjes, klimatizimit dhe ventilimit me shkathtësi për efikasitet energjetik të objekteve në kompani për projektim, montim dhe servisimin e sistemeve HVAC, kompani energjetike, servise mirëmbajtjeje dhe shërbime teknike, si dhe mund të zhvillojë biznesin e tij privat.
