Планира и организира надзор при производство на посадочен материјал за пошумување; собира шумски репродуктивен материјал и споредни шумски производи; при доработка и чување на семето, земање и пикирање на резници; учествува при испитување на квалитетот на семето, пошумување и одржување на шумските култури; спроведува превентивни и репресивни мерки за заштита на растенијата, пресметува дрвна маса, клупирање на насад; раководи со група за борба против шумски пожари; користи различен мерен алат и геодетски инструменти, алати и помагала за уредување на шумите; одгледува дивеч; организира и раководи при чистење, сеча, дотур на дрвни сортименти; ја набљудува дијагностичко-прогностичката служба за заштита на шумите.
Со стекнување на квалификацијата, ученикот може да работи како Оператор за пошумување и заштита на шуми, Оператор за шумско производство.
