Планира, организира и спроведува активности од административно-техничко, канцелариско, секретарско и архивско работење; ја следи законската регулатива и нејзината примена во соодветните области; извршува административни работи и административно-технички и помошно-стручни функции; организира состаноци и води записници, води деловодник, организира промотивни настани и службени патувања; постапува со архивскиот и документарниот материјал во канцелариското и архивското работење, како и постапува по судски предмети и води административна евиденција.
Со стекнување на квалификацијата, ученикот може да работи како Референт за административни работи, Архивар, Технички администратор, Судски референт и на други работни места во секторот согласно квалификацијата.
