Врши подготовка на работно место, црта и конструира обувки и кожна галантерија; изработува шаблони (рачно и/или компјутерски), за изработка на пробен модел; користи машини, алати и уреди, согласно со технолошките операции; крои составни делови на обувки; обработува и составува со лепење и шиење при што добива полупроизвод-горник; составува горен со долен дел на обувки и врши доработка на пробен модел; следи нови техничко-технолошки достигнувања, модни трендови и подготвува колекција за промоција.
Со стекнување на квалификацијата, ученикот може да работи како Дизајнер на обувки, Моделар на обувки и кожна галантерија, Оператор за кроење на обувки, Оператор за шиење на обувки, Составувач на горни со долни делови на обувки и на други работни места од областа.
