Квалификацијата овозможува стекнување знаења и вештини за планирање, монтажа, пуштање во работа, одржување и сервисирање системи за греење, вентилација и климатизација базирани на принципите на енергетска ефикасност и обновливи извори на енергија. Од анализата и функционалната мапа на секторот Машинство произлегува потребата од стручен кадар со завршено средно стручно образование кој ќе изведува оперативни и надзорни работи при инсталација, тестирање, дијагностицирање и оптимизирање на греење, вентилација и климатизација (Heating, Ventilation, and Air Conditioning – HVAC) на системи и топлински пумпи, како и интегрирање паметни системи за управување со енергијата. Квалификацијата обезбедува компетенции за читање и изработка на техничка документација, примена на стандарди за квалитет и безбедност при работа и промовирање мерки за рационално користење на енергијата и заштита на животната средина.
Техничарот за енергетски ефикасно греење и климатизација може да работи како Соработник за техничка документација во машинството, Инсталатер за енергетски ефикасни уреди и системи, Инсталатер за греење, климатизација и вентилација со вештини за енергетска ефикасност на објекти во компании за проектирање, монтажа и сервисирање на HVAC-системи, енергетски компании, сервиси за одржување и технички служби, како и да води сопствен бизнис.
