Изведува и одржува електрични инсталации на станбени и индустриски објекти; врши мерења во електрични инсталации; изведува работи за функционирање на заштитно и громобранско заземјување; поврзува разводни ормари (РО), мерно разводни ормари (МРО) и разводни табли (РТ) со соодветни спроводници и кабли; монтира елементи од надземни и подземни енергетски водови и мрежи; поставува, наставува и поврзува енергетски кабли; врши мерења и контрола на електрични големини со различни мерни инструменти; монтира и демонтира елементи на енергетски трансформатор (ЕТР) на различни типови на трансформаторски станици (ТС) СН/НН и врши нивна проверка и инспекција; изведува електрични инсталации за работа и управување на електрични машини и електромоторни погони и изведува, сервисира, одржува нисконапонски и среднонапонски електроенергетски објекти (постројки и водови); применува и извршува манипулации (промена на вклопна состојба) со rасклопната опрема во електроенергетските објекти; предлага мерки за подобрување на енергетската ефикасност во објекти при различни ситуации и го намалува трошокот на енергија со различни дејствија и активности.
Со стекнување на квалификацијатa, ученикот ќе може да работи како: Електромонтер на електроенергетски мрежи, Електричар за инсталација и одржување, Електромонтер на електроенергетски објекти (постројки и водови); Електроинсталатер на јакострујни инсталации до 1KV и Електроинсталатер и монтер на енергетско ефикасни уреди, како и на други работни места во доменот на квалификацијата.
